கைத்தோழில் அபிவிருத்திச் சபைக்கு வரவேற்கிறோம்

பிராந்திய அலுவலர்களின் ஆலோசனை வழங்கும் திறன்களை மேம்படுத்தும் பயிற்சிப் பட்டறை

தொழில்துறை வளர்ச்சியை விரைவுபடுத்துவதற்கு தொழில்முனைவோருக்கு சேவைகளை வழங்குவது மட்டுமே போதுமானதல்ல. அவர்களின் வளர்ச்சிப் பயணத்திற்கு சரியான வழிகாட்டுதல், ஒருங்கிணைப்பு, மூலோபாய ஆலோசனை மற்றும் தேவையான தொடர்புகளை ஏற்படுத்திக் கொடுப்பதும் அவசியமாகும்.

இந்த நோக்கத்தை அடிப்படையாகக் கொண்டு, இலங்கை தொழில்துறை அபிவிருத்திச் சபை (IDB) யினால் “பிராந்திய அலுவலர்களின் ஆலோசனை வழங்கும் திறன்களை மேம்படுத்தும் பயிற்சிப் பட்டறை” வெற்றிகரமாக நடத்தப்பட்டது.இப்பயிற்சிப் பட்டறையில் தலைவர், பணிப்பாளர் நாயகம், பிரிவுத் தலைவர்கள், பணிப்பாளர்கள் மற்றும் நாடு முழுவதிலுமுள்ள பிராந்திய அலுவலர்கள் கலந்துகொண்டதுடன், இலங்கையின் தொழில்துறை அபிவிருத்திக்கான ஒருங்கிணைந்த தேசிய அணுகுமுறையை உருவாக்குவது இதன் முக்கிய நோக்கமாக அமைந்தது.

முக்கிய கவனம்

பயிற்சிப் பட்டறையின் முக்கிய செய்தியாக, பிராந்திய அலுவலரின் பங்கினை “சேவை வழங்குநர்” நிலையிலிருந்து “தொழில்துறை வளர்ச்சிக்கான மூலோபாய ஆலோசகர்” என்ற நிலைக்கு மாற்றுவதன் அவசியம் வலியுறுத்தப்பட்டது.

இதன்படி, ஒவ்வொரு தொழிற்துறையின் வளர்ச்சிக்கும் தடையாக உள்ள இடைவெளிகளை அடையாளம் கண்டு, தொழில்நுட்பம், நிதி, தரநிலைப்படுத்தல், தர உத்தரவாதம், புத்தாக்கம், முதலீடு, சந்தை அணுகல் மற்றும் பெறுமதி சேர்த்தல் போன்ற துறைகளில் தொடர்புடைய நிறுவனங்களுடனும் வாய்ப்புகளுடனும் தொழில்முனைவோரை இணைப்பதற்கு முக்கியத்துவம் வழங்கப்பட்டது.

தொழில்துறை வளர்ச்சிக்கான முக்கிய கவனப்பகுதிகள்

  • உற்பத்தித் திறன் மற்றும் செயல்திறனை மேம்படுத்துதல்
  • தரம் மற்றும் சர்வதேச தரநிலைகளை பூர்த்தி செய்தல்
  • புதிய தொழில்நுட்பங்கள் மற்றும் புத்தாக்கங்களை அறிமுகப்படுத்துதல்
  • வர்த்தகநாம உருவாக்கம் மற்றும் பெறுமதி சேர்த்தலை வலுப்படுத்துதல்
  • நிதி மற்றும் முதலீட்டு வாய்ப்புகளுக்கான அணுகலை ஏற்படுத்துதல்
  • விநியோகச் சங்கிலிகள் மற்றும் வணிகத் தொடர்புகளை வலுப்படுத்துதல்
  • உலகளாவிய பெறுமதிச் சங்கிலிகள் மற்றும் ஏற்றுமதிச் சந்தைகளுடன் தொழில்களை இணைத்தல்

இந்த அணுகுமுறையின் மூலம் சிறு தொழில்கள் → நடுத்தர தொழில்கள் → பெரிய தொழில்கள் → அதிக வளர்ச்சி வாய்ப்புள்ள ஏற்றுமதி நோக்கிய தொழில்முனைவுகள் என்ற வளர்ச்சிப் பாதையை வலுப்படுத்த IDB எதிர்பார்க்கிறது.

ஒருங்கிணைந்த தேசிய அணுகுமுறை

நிறுவனத்தின் பல்வேறு மட்டங்களில் உள்ள அதிகாரிகள் தமது அறிவு, அனுபவம் மற்றும் கருத்துக்களைப் பகிர்ந்து கொண்டு, ஒருங்கிணைந்த திட்டமிடல் மற்றும் செயல்பாட்டை முன்னெடுத்தமை இப்பயிற்சிப் பட்டறையின் முக்கிய அம்சமாகும்.

தேசிய தொழில்துறை மாற்றத்திற்குத் தேவையான மூலோபாய திசையை தலைவர் முன்வைத்ததுடன், பணிப்பாளர் நாயகம் முடிவுகளை அடிப்படையாகக் கொண்ட பொறுப்புக்கூறலின் முக்கியத்துவத்தை வலியுறுத்தினார். பிரிவுத் தலைவர்கள் மற்றும் பணிப்பாளர்கள் தமது நிபுணத்துவ அறிவைப் பகிர்ந்து கொண்டதுடன், பிராந்திய அலுவலர்கள் மாவட்ட மட்டத்தில் தொழில்முனைவோர் எதிர்கொள்ளும் நடைமுறை சவால்கள் மற்றும் தேவைகளை முன்வைத்தனர்.

Venue: Lakkam Auditorium, IDB

Categories

செய்து

நிகழ்வு

அறிவிப்புகள்

Recent Items