කාර්මික සංවර්ධන මණ්ඩලය වෙත සාදරයෙන් පිළිගනිමු

ශ්‍රී ලංකාවේ ක්ෂුද්‍ර පරිමාණ ව්‍යවසායකත්වය නගා සිටුවීමට ත්‍රෛයි පාර්ශික සහයෝගීතාවයක් ...

ශ්‍රී ලංකාවේ ක්ෂුද්‍ර පරිමාණ ව්‍යවසායකත්වය නගා සිටුවීමේ අරමුණින්, කර්මාන්ත සහ ව්‍යවසායකත්ව සංවර්ධන අමාත්‍යාංශය යටතේ ක්‍රියාත්මක වන කාර්මික සංවර්ධන මණ්ඩලය (IDB), යුනිලීවර් ශ්‍රී ලංකා සමාගම හා කාන්තා කර්මාන්ත හා වාණිජ මණ්ඩලය එක්ව අවබෝධතා ගිවිසුමකට (MOU) එළඹීම කර්මාන්ත සහ ව්‍යවසායකත්ව සංවර්ධන අමාත්‍යාංශයේ ලේකම් තිලකා ජයසුන්දර මහත්මියගේ ප්‍රධානත්වයෙන් 2025.03.28 දින සිදුවිය. කාර්මික සංවර්ධන මණ්ඩලයේ සභාපති රවී නිශ්ශංක මහතා, යුනිලීවර් ශ්‍රී ලංකා සමාගමේ සභාපති හා ප්‍රධාන විධායක නිලධාරී අලි තාරික් මහතා සහ කාන්තා කර්මාන්ත හා වාණිජ මණ්ඩලයේ (WCIC) සභාපතිනි ගයනි ද අල්විස් මහත්මිය විසින් කොළඹ හිල්ටන් රෙසිඩන්ස් හෝටලයේදී පැවති උත්සවයකදී මෙම අවබෝධතා ගිවිසුමට අත්සන් තබන ලදී.

මෙම අවස්ථාව සඳහා ප්‍රාදේශීය සංවර්ධන බැංකුවේ සභාපති ලසන්ත ප්‍රනාන්දු, කාර්මික සංවර්ධන මණ්ඩලයේ සභාපති රවී නිශ්ශංක, කාන්තා කර්මාන්ත හා වාණිජ මණ්ඩලයේ සභාපතිනි ගයනි ද අල්විස්, කර්මාන්ත අමාත්‍යාංශයේ අතිරේක ලේකම්වරුන් ඇතුළු අමාත්‍යාංශ නිලධාරීන්, කාර්මික සංවර්ධන මණ්ඩලයේ නිලධාරීන්, යුනිලීවර් ශ්‍රී ලංකා සමාගමේ නිලධාරීන්, ක්ෂුද්‍ර පරිමාණ ව්‍යවසායකයින් ඇතුළු පිරිසක් සහභාගී වූහ.

Venue: Hilton Residence Hotel in Colombo